စွဲလန်းသူ . . . လွမ်းစေသား

ကျွန်တော်ဘလော့ပိုစ့်တွေကိုမတင်ဖြစ်တာ တော်တော်ကြာပါပြီ ။ ဘလော့ဂါ ညီအစ်ကို မောင်နှမ တွေဆီ

ကိုလည်း မလည်ဖြစ်တာအတော်ကြာပါပြီ ။ အကုန်လုံးကို သတိရပါတယ် ။ အခုတစ်လောမအားတော့တာကြောင့်လည်း အင်တာနက်ကိုသိပ်မသုံးဖြစ်တော့တာပါ ။ စာရေးတာ ၀ါသနာ ပါတော့ အလုပ်မှာ အားတဲ့အချိန်တွေဆို စာထိုင်ရေးနေလိုက်တယ် ။ သည်လိုနဲ့ပဲ ဇာတ်လမ်း

တစ်ပုဒ်ပြီး သွားခဲ့ပါပြီ ။ကျွန်တော့်ရဲ့ ဇာတ်လမ်းလေးကို ခံစားပြီး ဝေဖန်ပေးသွားကြပါဦးနော် ......

                                                အခန်း(၁)

အပြာရောင်သန်းနေသောကောင်ကင်ကြီးကို ဘယ်သူတွေက ဆေးရောင်ခြယ်ခဲ့မှန်းမသိသလို ပုံသဏ္ဍာန်အမျိုးမျိုးဖြင့် ရွှေ့လျားနေတဲ့ တိမ်စိုင်လေးတွေကိုလည်း  ဘယ်သူတွေက

 ဖန်တီးခဲ့မှန်း ကျွန်တော်မသိပါ ။ သေချာတာတစ်ခုကတော့ ထိုအလှအပလေးများထဲမှာ

ကျွန်တော်၏ စိတ်များ လွှင့်မျှောနေမိသည်ပင် ။ မြူနှင်းများမှာလည်း

ဆောင်းလေညင်းတို့နှင့်အတူ လေထုထဲတွင် ပျံဝဲကာ ကျွန်တော်တို့ရွာကလေးကို

လွမ်းခြုံထားပေသည် ။ ရွာကလေးဆိုပေမဲ့ မြို့မကျ တောမကလေးပါ ။

ပန်းများဝေဆာနေသည့်ချယ်ရီပင်လေးများမှာလည်းအသွင်တစ်မျိုးဖြင့်

ရွာ၏အလှကိုဖော်ကြူးနေသည် ။

အိမ်ပေါ်ထပ်ပြတင်းပေါက်လေးမှနေ၍ ကြည်နူးစရာကောင်းတဲ့ ရွာကလေး၏

အလှထဲတွင် မည်မျှပင်နှစ်မျှောသွားသည်ကိုမသိလိုက် ။ အေးစက်သောလေညင်းများ မျက်နှာပြင်

ပေါ်သို့တိုးဝှေ့လာမှ အသိပြန်ဝင်လာတော့သည် ။ အလုပ်နားရက်လည်းဖြစ်သောကြောင့် စိတ်ပြေလက်ပျောက် ရွာကလေး၏ အလှကိုငေးမောနေမိခြင်းဖြစ်သည် ။

----------------------------------       ။         ။    --------------------------------------

                                         အခန်း(၂)

ကျွန်တော်မှာ ဘွဲရပြီးခါစလူငယ်တစ်ယောက်ဖြစ်ပြီး ရုံးတစ်ရုံးမှာ အလုပ်ဝင်လုပ်နေခြင်းဖြစ်သည် ။

မိဘနှစ်ပါးမှာလည်းဆုံးပါးသွားပြီဖြစ်သောကြောင့် တစ်ယောက်တည်း အထီးကျန်စွာ

တစ်ကောင်ကြွက်ဘ၀ကို ဖြတ်သန်းနေရခြင်းဖြစ်သည် ။ အလုပ်နားရက်များတွင်

ဝင်းဇော်နှင့်အတူ လက်ဖက်ရည်ဆိုင်တွင် အချိန်ဖြုန်းနေကြပင် ။ ယခုလည်း လက်ဖက်ရည်ဆိုင်သို့သွားရန်  အနွေးထည်ထပ် ၍အိမ်မှထွက်လာခဲ့လိုက်သည် ။

လက်ဖက်ရည်ဆိုင်ရောက်တော့ဝင်းဇော်ပင်မရောက်သေးပေ။ကျွန်တော့်ကိုမြင်တော့ စားပွဲထိုးကောင်လေးမှာ ကျွန်တော်သောက်နေကျ လက်ဖက်ရည်နှင့်မုန့်များကိုလာချပေးသည် ။

သည်လိုချမ်းအေးလှတဲ့ ရာသီမျိုးမှာ လက်ဖက်ရည် သောက်ရသည်မှာလည်း

ခုံမင်စရာကောင်းလှပေသည် ။ အငွေ့ တထောင်းထောင်းထနေသော လက်ဖက်ရည်လေးကို

 တစ်ငုံသောက်ရင်း လမ်းမဆီသို့ ငေးကြည့်နေမိသည် ။ မိဘများက သူတို့ရင်သွေးငယ်လေးများကို

 လက်တွဲပြီး ကျောင်းသို့ပို့ဆောင်နေသည်ကိုကြည့်ရင်း အမေကို  သတိရလာမိသည် ။

အမေ၏စကားသံလေးများကို ပြန်လည်ကြားယောင်လာမိသည် ။

      " သားစာကြိုးစားနော် "

" အမေကသားကို ပညာကလွှဲပြီး တစ်ခြားဘာမှမပေးနိုင်ဘူး "

" ဒါကြောင့်သား စာကြိုးစားသင်ပါ ပညာတက်ကြီးဖြစ်အောင် လုပ်ပါ "

ထိုအတွေးတွေ ပြန်တွေးမိတိုင်း မျက်လုံးအိမ်မှ မျက်ရည်စများရစ်ဝဲ လာသည် ။

" ဟာ သူငယ်ချင်း အစိုင်း စောလှချည်လား "

ဝင်းဇော်၏ အသံကြားမှ ထိုးအတွေးများ ပျောက်ကာ အသိပြန်ဝင်လာတော့သည် ။

" အေးပျင်းလို့စောစောထွက်လာခဲ့လိုက်တာ လာထိုင်လေ ၀င်းဇော် "

ဝင်းဇော်မှာ ခုံလွတ်တစ်ခုံသို့ ၀င်ထိုင်ရင်း လက်ဖက်ရည်တစ်ခွက်မှာလိုက်သည် ။

ဝင်းဇော်မှာ အသားညိုပြီး စာပေ၀ါသနာပါသူ တစ်ယောက်လည်းဖြစ်သည် ။ ယခုလည်း လက်ထဲတွင်

စာအုပ်တစ်အုပ်ကို ကိုင်ထားသေးသည် ။ ခေါင်းစဉ်ကိုဖတ်ကြည့်မိတော့ " အသားဖြူခြင်း၏ လျှို့ဝှက်ချက် " တဲ့

ကျွန်တော်ရယ်ချင်သလိုဖြစ်သွားပြီး ပြုံးစိစိဖြစ်သွားသည် ။ ဒါကို ၀င်းဇော်ရိပ်မိသွားပုံပေါ်သည် ။

" အစိုင်း မင်းဘာတွေရယ်နေတာလဲ "

" ဘာမှမဟုတ်ပါဘူးကွာ စာအုပ်လေးကို သဘောကျလို့ "

" မင်းကသူများကို ဖဲ့ဖို့ဆို ထိပ်ဆုံးကပဲ " ပြောရင်း ၀င်းဇော်မှာ လက်ဖက်ရည်ကိုတစ်ငုံသောက်ရင်း သူ၏စာအုပ်ကို ဆက်ဖတ်နေလေသည် ။

" ၀င်းဇော် မင်းသည်နေ့ ဘယ်သွားမယ် စိတ်ကူးထားလဲ "

" မသိသေးပါဘူးကွာ မင်းကကော် ဘယ်သွားချင်လို့လဲ "

" အင်တာနက်ဆိုင်မှာ သွားနှပ်နေရင် ကောင်းမလားလို့ အပျင်းပြေပေါ့ကွာ "

" အေး ကောင်းသားပဲ "

မည်မျှပင် မတိုင်ပင်လိုက်ရဘဲ လက်ဖက်ရည်ဖိုးရှင်းကာ ၀င်းဇော်နှင့်အတူ အင်တာနက်ဆိုင်သို့ ထွက်လာခဲ့လိုက်သည် ။

----------------------------------       ။         ။    --------------------------------------

                                       အခန်း(၃)

ရွာမှာက လူငယ်များအဖို့ အပျင်းပြေ အချိန်ဖြုန်းစရာဆိုလို့ လက်ဖက်ရည်ဆိုင်နှင့် အင်တာနက်ဆိုင်လေးပဲရှိသည် ။ အင်တာနက်ဆိုင်တောင်မှ မကြာသေးခင်မှ

 လာရောက်ဖွင့်ထားခြင်းဖြစ်သည် ။ ဆိုင်ရောက်တော့ လူပင် မရှိသေးပေ ။

ဝင်းဇော်နှင့်အတူ တစ်ယောက်တစ်ခုံ ၀င်ထိုင်လိုက်သည် ။ သုံးတက်သည်ဆိုလို့ Gtalk နှင့် Website အနည်းငယ် ကြည့်တတ်ရုံသာရှိသည် ။ Gtalk ကိုဖွင့်ကြည့်လိုက်တော့

 Invite လုပ်ထားသော အကောင့်တစ်ခုကိုတွေ့ရသည် ။ Accept လုပ်လိုက်တော့

 ထိုအကောင့်ပိုင်ရှင်လေးမှာ Online ပေါ်တွင်ရှိနေလေသည် ။

ဘာရယ်မဟုတ် ထိုအကောင့်ပိုင်ရှင်လေးနှင့် စာအပြန်အလှန်ပို့ရင်း ခင်မင်သွားခဲ့ကြသည် ။ ထိုအကောင့်ပိုင်ရှင်လေးမှာမြို့က မိန်းကလေးတစ်ယောက်ဖြစ်ပြီး ကျွန်တော်ထက် နှစ်နှစ်ငယ်သည် ။

 နာမည်လေးကတော့ " နှင်းစက် " တဲ့တစ်ယောက်နှင့် တစ်ယောက် စကြနောက်ကျရင်းဖြင့်

 ထိုအကောင့်ပိုင်ရှင်လေးနှင့် Chat ရသည်မှာ ပျော်သလိုခံစားလာ ရသည် ။

ဝင်းဇော်ကိုလှည့်ကြည့်လိုက်တော့ ကွန်ပျူတာရှေ့ မှာပြုံးပြီး လက်ညိုးတစ်ချောင်းဖြင့် စာရိုက်နေသည်ကိုတွေ့ ရသည် ။ ၀င်းဇော်မှာ ကျွန်တော်ကြည့်နေသည်ကို

 သိပုံမရပဲ တစ်ယောက်တည်း အလုပ်ရှုပ်နေသည် ။

----------------------------------       ။         ။    --------------------------------------

                                     

                                       အခန်း(၄)

နောက်ပိုင်းအလုပ်နားရက်များတွင်လည်း နှင်းစက် နှင့် Online တွင်တွေ့ဖြစ်ခဲ့ကြတယ် ။ နှင်းစက်ဆီမှ ဓာတ်ပုံလေးလည်းရခဲ့တယ် ။ ရုပ်ရည်ချောမောလှပြီး ချစ်စရာကောင်းသော

 မိန်းကလေးတစ်ယောက်ပါ ။ အခုဆိုလျှင် အားတိုင်း အင်တာနက်ဆိုင်ကိုသွားကာ  နှင်းစက်

 အလာကိုစောင့်မျှော်နေတတ်ခဲ့ပြီ ။ အချိန်တွေကြာလာတော့

 နှင်းစက်အပေါ်ပိုမိုခင်တွယ်လာခဲ့မိတယ် ။ တစ်ရက်မှာ နှင်းစက်ဆီမှ ဖုန်းနံပါတ်ရခဲ့၍

ကျွန်တော့်မှာ ငါးကြော်ရသော ကြောင်ကဲ့သို့ပင်  ပျော်ရွှင်ခဲ့မိတယ် ။

ဖုန်းနံပါတ်ရပြီး နောက်တစ်နေ့မှာပဲ နှင်းစက် ဆီကို ကျွန်တော် ဖုန်းဆက်လိုက်တယ် ။ ဖုန်းနံပါတ်များကို နှိပ်ရင်းနဲ့ပင် ရင်ခုန်သံတွေ မြန်နေခဲ့တယ် ။ ဖုန်းဝင်သွားပြီး

 တစ်ဖက်မှ " ဟဲလို " ဆိုသော အသံကြားတော့ ဒုတိယအကြိမ်

ရင်ခုန်သံတွေ ဆူညံလာခဲ့တယ် ။

" ဟဲလို နှင်းစက် လား "  အသံမှာ တုန်ရီစွာနှင့် ထွက်သွားပါသည် ။

" ဟုတ်ပါတယ် ဘယ်သူလဲမသိဘူးနော် "

" အစိုင်းပါ "

" သြော် အကိုလား ၊ အစိုင်းကို အကိုလို့ပဲခေါ်မယ်နော် "

" ရပါတယ် အဆင်ပြေသလိုသာခေါ်ပါ ၊ အကိုလည်း နှင်းစက်ကိုညီမလေးလို့ပဲခေါ်မယ်နော် "

နှင်းစက်မှာရယ်ရင်းနဲ့ပြန်ဖြေသည် ။

" ကောင်းသားပဲ "

" ညီမလေး အသံက ကလေးလေးလိုပဲနော် ချစ်စရာလေး "

" ဟွန်း ဟုတ်လည်းဟုတ်ပဲနဲ့ အပိုတွေ "

" အကိုတစ်ကယ်ပြောတာပါ မညာပါဘူး "

" အင်းထားလိုက်ပါတော့ "

"  ဘယ်နားမှာသွားထားရမလဲ ညီမလေး မီးဖိုချောင်ထဲလား "

" မီးဖိုချောင်ထဲထားတော့ အိုးမည်းတွေ ပေကုန်မှာပေါ့ "

" ဟား ဟား ဟား " နှစ်ယောက်သား ပြိုင်တူရယ်လိုက်မိသည် ။

" အကိုကပျော်တတ်မဲ့ပုံပဲနော် "

" အင်းပျော်တတ်ပါတယ် "

" အခုအိမ်ပဲလား ညီမလေးက"

" အင်း ဟုတ်တယ် ပျင်းလို့ ကြောင်နဲ့ကြွတ် ကြည့်နေတာ "

" ခိခိ သည်အရွယ်တောင်ရောက်နေပြီ ကာတွန်းကားကြည့်နေတာ မရှက်ဘူးလား "

" ဟွန်း ဘာရှက်စရာရှိလို့လဲ အိမ်မှာဆို ညီမလေးက ကလေးလိုပဲနေတာကို "

" ဟုတ်လား ယုံပါတယ် ကလေးဆိုးကြီးကို "

" ဘာကလေးဆိုးကြီးလဲ ညီမလေးက ငယ်ငယ်လေးကတည်းက လိမ္မာပြီးသား "

" အကိုစတာပါ သိပါတယ် ညီမလေးက လိမ္မာတယ်ဆိုတာ အဲဒါကြောင့် အကို့ကို       အဖြေပေးပါတော့နော် "

တစ်ဖက်မှ အသံမှာ ခဏတိတ်သွားသည် ။

" ဟင် ဘာမှလည်းမဆိုင်ပဲနဲ့ လူလည်ကြီး "

" မဆိုင်ဘူးလို့တော့မပြောလိုက်ပါနဲ့ ညီမလေးရယ် အကိုမခံစားနိုင်တော့လို့ အဖြေပေးပါနော် "

" အပြောကတော့ကောင်းသားနော် ဒါနဲ့ ညီမလေးဆီကို ဘယ်အချိန်မှလာမှာလဲ ဟင်"

" ညီမလေးဆီကို ဖြစ်နိုင်ရင် အခုတောင်ပြေးလာချင်တာပေါ့ ဒါပေမဲ့ ညီမလေးနဲ့အကိုတို့က အဝေးကြီးပဲလေ တစ်နေ့တော့ရောက်အောင်လာမှာပါ "

"  အင်းညီမလေးစောင့်နေမယ်နော် ညီမလေးလည်း အကို့အပေါ်သံယောဇဉ်ရှိပါတယ် "

" ခွပ် "

တစ်ဖက်မှဖုန်းချသွားလေပြီ

" ညီမလေးလည်း အကို့အပေါ်သံယောဇဉ်ရှိပါတယ် " တဲ့ ပျော်လိုက်တာ ။

ပျော်လွန်းအားကြီး၍ ဖုန်းကိုအသာချကာ သတိလက်လွတ် ထခုန်လိုက်မိသည် ။

ဖုန်းစောင့်အန်တီကြီးမှာ လန့်သွား၍လားမသိ ကျွန်တော့်ကို မျက်စောင်းထိုးကြည့်နေသောကြောင့်

ဖုန်းဖိုးရှင်းကာ ဆိုင်ထဲမှ ပျော်ရွှင်စွာ ပြေးထွက်လာလိုက်သည် ။ ရင်လည်းခုန်

 ပျော်လည်းပျော်မိသည် ။ ကမ္ဘာပေါ်မှာ ကျွန်တော့်လောက်ပျော်စရာကောင်းမဲ့သူ

ဘယ်သူများရှိဦးမည်နည်း ။ နောက်ရက်များတွင်လည်း နှင်းစက်နှင့် ဖုန်းမကြာခဏဆိုသလို

ပြောဖြစ်ခဲ့ကြပါသည် ။ အချိန်တွေပြောင်း ရက်တွေနှောင်းတော့ ကျွန်တော်တို့နှစ်ယောက်မှာ

တစ်ယောက်ကို တစ်ယောက် အလွန်ချစ်ခဲ့ကြတယ် ။

----------------------------------       ။         ။    --------------------------------------

                                       

                                   အခန်း(၅)

ညလေးမှာ တိတ်ဆိတ်ငြိမ်သက်နေသည် ။ ကြယ်ကလေးများမှာလည်း ငွေလမင်းနှင့်အတူ ထွန်းလင်း

တောက်ပနေသည် ။ ရုံးမှပါလာသော စာရင်းအချို့ကို တွက်သာတွက်နေသည် ။ စိတ်များမှာတော့ ဘယ်ဆီမသိလွှင့်မျှောနေမိသည် ။  အခုနောက်ပိုင်း ကျွန်တော် ၏စိတ်များမှာ အရင်လိုမဟုတ်တော့ပဲ

 နှင်းစက် ကိုသာ လွမ်းနေမိသည် ။ ခံစားချက်မဲ့နေတဲ့ ကျွန်တော့် နှလုံးသားဟာလည်း

 နှင်းစက်နဲ့တွေ့မှ အသက်ဝင်လှုပ်ရှားခဲ့တာပါ ။ အခုဆိုရင်မနက်ဖြန်တိုင်းကို

 ရင်ခုန်စွာ ကြိုဆိုနေတတ်ခဲ့ပြီ ။ လူတွေပြောပြောနေတဲ့ " အချစ်မှာ မျက်စိမရှိဘူး " ဆိုတဲ့

စကားကို ကျွန်တော်ကောင်းကောင်းနားလည်သဘောပေါက်ခဲ့ပြီ ။ ဟုတ်သည် နှင်းစက်နှင့် ကျွန်တော့်ဘ၀မှာ ဘယ်ဘက်ကကြည့်ကြည့် အစစ အရာရာ ခြားနားလွန်းလှပေသည် ။

ပြီးတော့ နှင်းစက်က ရွာနှင့် အလွန်ဝေးသော မြို့လေးတစ်မြို့မှာ ။ မဖြစ်နိုင်မှန်းသိပေမဲ့လည်း

 နှင်းစက်ကို စွဲစွဲလန်းလန်းချစ်ခဲ့မိတယ် ။ ထိုအတွေးများကိုတွေးမိတိုင်း ရင်မောရသည် ။

ထို့ကြောင့် ထိုအတွေးများကို ခေါင်းထဲမှ ထုတ်ကာ စာရင်းကိုဆက်လုပ်နေလိုက်သည် ။ မနက်ဖြန်မှာ ရုံးပိတ်ရက်ဖြစ်သောကြောင့် စာရင်းများကို ညနက်သည်အထိ လုပ်နေခဲ့လိုက်သည် ။

စာရွက်တစ်ရွက်ကို ကြည့်နေစဉ် ထိုစာရွက်ပေါ်သို့ အနီရောင်သွေးစက် တစ်စက်ကျသွားခဲ့သည် ။

နှာခေါင်းမှ သွေးယိုခြင်းဖြစ်သည် ။ အရင်ကလည်း ဖြစ်နေကြမို့ အထူးအဆန်းမဟုတ်တော့ပါ ။ မျက်နှာကို ရေဖြင့်သန့်စင်ကာ ကုတင်ပေါ်တွင် လှဲလျှောင်းနေလိုက်သည် ။ မကြာပါ

သွေးမထွက်တော့သဖြင့် စာရင်းများကိုဆက်လုပ်ကာ မိုးလင်းခါနီးမှ အိပ်ယာဝင်ဖြစ်ခဲ့တော့သည် ။

----------------------------------       ။         ။    --------------------------------------

                                        အခန်း(၆)

ရာဦဥတု သာယာသော နေ့တစ်နေ့ဖြစ်သည် ။ ညနက်မှ အိပ်ယာဝင်ဖြစ်သော်လည်း စောစောနိုးနေ၍

လက်ဖက်ရည်ဆိုင်သို့စောစောထွက်လာခဲ့ခြင်းဖြစ်သည် ။ စားပွဲထိုးကောင်လေးမှာ ခါတိုင်းလိုပင်

ကျွန်တော်သောက်နေကျလက်ဖက်ရည်ကို လာချပေးသည် ။ ၀င်းဇော်လည်းမလာသေးသဖြင့်

လက်ဖက်ရည်သောက်ရင်း သတင်းစာကိုဖတ်နေလိုက်သည် ။ သတင်းစာ တစ်ဝက်လောက်အရောက်မှာ

" ကင်ဆာအကြောင်း သိကောင်းစရာ " ဆိုတဲ့ဆောင်းပါးလေးကို စိတ်ဝင်တစားဖတ်ကြည့်လိုက်သည် ။

ရေးထားတာက နိုင်ငံတစ်ဝန်းလုံးမှာ ကင်ဆာရောဂါ အဖြစ်များလာကြောင်း နှင့် ကင်ဆာရောဂါ အကြောင်းကို အသေးစိတ်ရှင်းပြသည် ။နှာခါင်းသွေး မကြာခဏယိုတတ်ခြင်းသည်လည်း သွေးကင်ဆာရောဂါ ဖြစ်နိုင်ခြေရှိကြောင်း ရေးထားသောကြောင့် ကျွန်တော် မှာ အနည်းငယ်တော့

စိတ်လှုပ်ရှားသွားမိသည် ။ ခေါင်းထဲမှာလည်း အသွေးတစ်ခု ၀င်လာသည် ။

" ငါရော သွေးကင်ဆာ ဖြစ်နေပြီများလား  မဟုတ်လောက်ပါဘူး ငါအမြဲကျန်းမာနေတာပဲ " လို့

တွေးနေမိစဉ် အနောက်မှ ပခုံးကို လက်ဖြင့် လာရိုက်သောကြောင့် လန့်သွားသည် ။

" ဂွတ်မောနင်း အစိုင်း "

" ဟာလန့်လိုက်တာ ၀င်းဇော်ရာ"

" မင်းက ဘာတွေကို သည်လောက်စိတ်ဝင်စားနေလို့ ငါလာတာကိုတောင်မမြင်ပဲ လန့်နေရတာလဲ "

" ထားပါ မင်းဘာသောက်မလဲ မှာလေ "

ဝင်းဇော်မှာ လက်ဖက်ရည်တစ်ခွက်မှာလိုက်သည် ။

" အစိုင်း မင်းနဲ့ နှင်းစက် အခြေအနေကော် ဘယ်အဆင့်ရောက်ပြီလဲ "

ဝင်းဇော်မှာ ဆိုင်းမဆင့် ဗုံမဆင့်ပဲ ကျွန်တော်နှင့် နှင်းစက်အကြောင်းကိုထမေးသည် ။

ကျွန်တော်ဘာမှပြန်မဖြေပဲ ပြုံးနေလိုက်သည် ။ ဒါကို ၀င်းဇော်က မကျေနပ်ကာ ကျွန်တော့်ခေါင်းကို

သတင်းစာဖြင့်လာရိုက်သည် ။ ကျွန်တော်လည်း လက်မြန်သူမို့ သတင်းစာကိုကောက်ယူပြီး ၀င်းဇော်ကို

ပြန်ရိုက်လိုက်သည် ။ ၀င်းဇော်မှာ ကျွန်တော်အား ထပ်ရိုက်ရန်ပြင်လိုက်စဉ်

" ရှူး ဟိုမှာ ကောင်မလေးတွေ ကြည့်နေတယ် ရှက်စရာကြီး "

ဒါမျိုးကျတော့ သည်ကောင်က ရှက်တတ်သည် ။ သတင်းစာကို ချကာ ကိုယ်အနေအထားကိုပြင်ရင်း

လူကြီးလူကောင်းပုံစံဖြင့် ထိုင်နေသည် ။ ကျွန်တော်မှာ ၀င်းဇော်ကိုကြည့်ရင်း ရယ်ချင်သွားသည် ။

လာ ၀င်းဇော်ကျားထိုးရအောင် ။ ၀င်းဇော်မှာ မငြင်းပဲ ကျားခုံရှေ့သို့ မျက်နှာလှည့်လာသည် ။

ကျွန်တော်အရင်စရွှေ့လိုက်သည် ။

" စားတယ် "

" ပြန်စားတယ် "

" - - - - - - - - "

ဘေးနားမှ ၀ိုင်းများကလည်း စိတ်ဝင်စား၍ ကျွန်တော်တို့ ၀ိုင်းကိုကြည့်နေကြသည် ။

" ကျားဝင်ပြီကွ " ၀င်းဇော်မှာ ကျားဝင်သွားလေပြီ ။

ကျွန်တော်မှာ သည်ပွဲတွင် ရှုံးရန်သေချာသလောက်ရှိနေပြီ ။ တစ်ကွက်ရှေ့ထပ်တိုးလိုက်သည် ။

" နှစ်ကောင်စားတယ် " ကျွန်တော်မှာ အကောင်တွေကုန်သွား၍ ရှုံးသွားလေပြီ ။ ၀င်းဇော်မှာ အားရ၀မ်းသာစွာဖြင့်

" နိုင်ပြီ " ဟုဆိုကာ ရေနွေးအိုးဖင် မှ အိုးမဲဖြင့် ကျွန်တော့်မျက်နှာကို လာသုတ်သည် ။

" အော်သည်လိုကြေးလား တွေ့ကြသေးတာပေါ့ "

နောက်ထပ်တစ်ပွဲကိုစတင်လိုက်သည် ။ မကြာပါ သုံးလေးပွဲလောက်သာဆော့လိုက်ရပြီး ကျွန်တော်တို့ နှစ်ယောက်လုံး

မျက်နှာမှာ အိုးမည်းများဖြင့် ပေကျံသွားခဲ့သည် ။

" ဟား ဟား ဟား "

တစ်ယောက်မျက်နှာ ကိုတစ်ယောက်ကြည့်ရင်းရယ်နေမိသည် ။ ရှက်လည်း ရှက်သဖြင့် ပိုက်ဆံကို စားပွဲပေါ်တွင် ထားခဲ့ကာ တစ်ယောက်ကိုတစ်ယောက်ဖက်ရင်း ဆိုင်ထဲမှထွက်လာခဲ့လိုက်သည် ။

 အိမ်ပြန်ရောက်တော့ ရေမိုးချိုးပြီး စားပွဲခုံပေါ်ရှိ စာအုပ်ကြားထဲမှ နှင်းစက် ဓါတ်ပုံလေးကို

 ထုတ်ယူကြည့်လိုက်သည် ။ နက်မှောင်သော ဆံပင် ၊ ဖြူဖွေးသောအသားအရည် ၊

နှစ်လိုဖွယ် အပြုံးလေးနှင့် ချစ်စရာကောင်းသော နှင်းစက်မှာ ကျွန်တော်၏ စိတ်များကို ချုပ်နှောင်သွားခဲ့ပြီဆိုတာ သိလိုက်ခဲ့ရသည် ။ ပန်းနုရောင် နှုတ်ခမ်းလေးမှာလည်း

 စွဲလန်းစရာတစ်ခုပင် ။

" လှလိုက်တာ ညီမလေးရယ် အပြင်မှာဆိုရင် ဘယ်လောက်တောင်လှလိုက်မလဲ "

နှင်းစက် ပုံလေးကိုကြည့်ရင်း တစ်ယောက်တည်းပြုံးကာ ပီတိတွေဖြစ်နေမိသည် ။ နှင်းစက်နှင့်လည်း

သည်နေ့ ဖုန်းဆက်စကားပြောခဲ့ရသောကြောင့် ပျော်ရွှင်နေခဲ့မိသည် ။ အပျော်ပင် မဆုံးလိုက် နေ့လည်က

ဖတ်လိုက်ရသော သတင်းစာမှာ ရုတ်တရက်ခေါင်းထဲရောက်လာ၍ မနက်ဖြန်မှာ ဆေးခန်းသွားပြရန်

ဆုံးဖြတ်ခဲ့လိုက်သည် ။ ဓါတ်ပုံလေးကို စာအုပ်ကြားထဲမှာ ပြန်ညှပ်ထားလိုက်ရင်း  အိပ်ယာထက်သို့

 လှဲလျှောင်းနေလိုက်သည် ။

----------------------------------       ။         ။    --------------------------------------

                                        အခန်း(၇)

ဆေးခန်းအတွင်းရှိ ခုံတန်းရည်လေးမှာ ထိုင်ရင်း ဆေးစစ်ချက်အဖြေကို ရင်ထိတ်စွာ စောင့်မျှော်နေလိုက်သည် ။

မကြာပါ ဆရာဝန်မှာ အခန်းထဲမှ ထွက်လာပြီး ဆေးစစ်ချက်အဖြေ စာရွက်စာတမ်းများ ကို ကျွန်တော့်အားပေး၍

ဆရာဝန်က ပြောလိုက်သည် ။

" ကောင်လေး မင်းမှာ သွေးကင်ဆာရှိနေပြီ အလွန်ဆုံး ခြောက်လလောက်ပဲနေရတော့မယ်

ဆရာလည်းစိတ်မကောင်းပါဘူး "

ဆရာဝန်မှာပြောရင်း ကျွန်တော့်ရှေ့မှ ထွက်ခွာသွားခဲ့သည် ။

ဆရာဝန်ပြောသွားသော စကားသံများကို နားထဲမှာ ထပ်ကာထပ်ကာကြားနေမိသည် ။

မထင်မှတ်ထားသော စကားများကိုကြားလိုက်ရ၍လည်း ဘာတစ်ခွန်းမှပြန်မပြောနိုင်ပဲ

ထိုနေရာမှာပင် အတန်ကြာရပ်နေလိုက်မိသည် ။

" ဖူးးးးးးးးးး ငါသေလို့မဖြစ်သေးဘူး ငါအရမ်းချစ်ရတဲ့ ငါ့ညီမလေးကို သွားတွေ့ရဦးမယ် "

----------------------------------       ။         ။    --------------------------------------

                                         အခန်း(၈)

ညလေးမှာ တိတ်ဆိတ်ငြိမ်သက်လျက် ----------

နာရီကိုလှမ်းကြည့်လိုက်တော့ ည (၁၁) နာရီပင်ကျော်နေပြီဖြစ်သော်လည်း ခုအချိန်ထိ

အိပ်မပျော်နိုင်သေးဘဲ အတွေးပေါင်းများစွာနှင့်ပင် စိတ်များမှာ မွန်းကြပ်နေရသည် ။

" ငါ ဟာ သည်လောကကြီးမှာ ခဏလေးပဲ နေရတော့မဲ့ လူတစ်ယောက်ပါလား

လောကကြီးကမတရားဘူး ဘာလို့ ငါ့ကို သေမင်းထံမြန်မြန်ဆွဲခေါ်နေရတာလဲ "

ကုတင်အနီးရှိ စားပွဲပေါ်တွင်တင်ထားသော ဆေးစစ်ချက်စာရွက်များကို လုံးချေ၍ အခန်းနံရံဆီသို့

ပစ်ပေါက်လိုက်သည် ။ ကျွန်တော်၏ စိတ်များမှာလည်း စားပွဲပေါ်တွင် ထွန်းထားသည့် ဖယောင်းတိုင်မီး

ကဲ့သို့ပင် ပူလောင်နေမိသည် ။  အိမ်ဝင်းအတွင်းရှိ မြက်ခင်းပေါ်တွင် ထိုင်၍ ကောင်းကင်ရှိ

ကြယ်ကလေးများကို စိတ်ပြေလက်ပျောက် ထိုင်ကြည့်နေမိသည် ။

" သိပ်လှတဲ့ကြယ်ကလေးတွေပါလား ငါ့ညီမလေးက ကြယ်တွေဆို သိပ်ချစ်တာ

ငါသာကြယ်ကလေးတစ်လုံးဖြစ်လိုက်ရရင် သိပ်ကောင်းမှာပဲ " လို့တွေးနေမိသည် ။

အတွေးများမဆုံးခင်မှာပင် ကျွန်တော်သိပ်တွေ့ချင်သော နှင်းစက်မှာ အဖြူရောင် ဂါဝန်လေးကို

ဝတ်ဆင်ထားပြီး ခြံဝင်းအ၀တွင်ရပ်၍ ကျွန်တော့် အားလှမ်းခေါ်နေသည်ကို တွေ့လိုက်ရသည် ။

" အကို ညီမလေးသည်မှာလေ - - - ညီမလေးဆီလာခဲ့ပါလား "

နှစ်လိုဖွယ်အပြုံးလေးနှင့် ခေါ်နေသည့် ညီမလေးမှာ ကျွန်တော်ထင်ထားသည်ထက်ကိုပင် ပိုပြီး

ချစ်စရာကောင်းနေသည် ။ ညီမလေးကကော မြို့ကနေ ဘယ်လိုလုပ်ပြီး သည်ကိုရောက်လာပါလိမ့် ။

ကျွန်တော့်မှာ အံ့သြလွန်းလှသဖြင့်  အချိန်အတော်ကြာမှင်သက်နေမိသည် ။ ပျော်လည်းအရမ်းပျော်မိသည် ။

ကျွန်တော့်ဘ၀မှာ အပျော်ဆုံးအချိန်ဆိုလျှင်လည်းမမှားပေ ။ ကျွန်တော်လည်း ညီမလေးရှိရာဆီသို့

သွက်လက်သောခြေလှမ်းလေးများဖြင့် ၀မ်းသာပျော်ရွှင်စွာပြေးသွားလိုက်သည် ။ ညီမလေးဆီသို့

ရောက်ဖို့ သုံးလှမ်းအလိုလောက်တွင် ညီမလေးမှာ ပျောက်ကောင်းမလှ ပျောက်သွားခဲ့လေသည် ။

" ညီမလေး ... ညီမလေး ... ညီမလေး "

အော်သံနှင့် အတူ လန့်နိုးလာပြီး ကုတင်ပေါ်တွင် ထထိုင်လိုက်မိသည် ။

အော်သံနှင့်အတူ ကုတင်ပေါ်တွင် ထထိုင်လိုက်မိသည် ။ ငါအိပ်မက် မက်နေပါလားလို့ သိလိုက်ရတော့မှ

သက်ပြင်းချနိုင်တော့သည် ။ ညကဘယ်ချိန်အိပ်ပျော်သွားမှန်းကိုမသိလိုက် နာရီကိုလှမ်းကြည့်လိုက်တော့

နံနက်(၁၀) နာရီပင်ကျော်နေပြီ ။ အိပ်ယာများသိမ်းပြီး အိမ်နောက်ဖေးတွင် မျက်နှာသစ်နေစဉ် နှာခေါင်းမှ

သွေးစက်အချို့ ကျဆင်းလာသည်ကို သတိထားမိလိုက်သည် ။ ထိုသွေးစက်များက ကျွန်တော်၏ စိတ်ကို

ထိတ်လန့်ခြောက်ခြားစေသည် ။ ထိုစဉ် အိမ်ရှေ့မှ သူငယ်ချင်း ၀င်းဇော်၏ ခေါ်သံကို ကြားလိုက်ရသည် ။

" အစိုင်း … အစိုင်း  "

ဝင်းဇော်၏ ခေါ်သံကြောင့် သွေးများကို ရေဖြင့်လျှင်မြန်စွာ ဆေးကြောပစ်လိုက်သည် ။ ကျွန်တော့် သွေးကင်ဆာ ဖြစ်နေတယ်ဆိုတာကို ၀င်းဇော်အားမသိစေလိုပေ ။

" အေး သူငယ်ချင်း ငါအိမ်နောက်မှာကွ "

" အစိုင်း  မင်းကိုငါ လက်ဖက်ရည်သွားသောက်ဖို့လာခေါ်တာ "

" အင်း ...... ကောင်းသားပဲ ........ သွားမယ်လေ "

မျက်နှာသစ်ပြီး ၀င်းဇော်နှင့် အတူ ရွာထိပ်ရှိ လက်ဖက်ရည်ဆိုင်သို့ ထွက်လာခဲ့သည် ။

လက်ဖက်ရည်ဆိုင်တွင် လာချပေးသော ကော်ဖီကိုတစ်မော့သောက်ရင်း

" ငါမနေ့ညက အိပ်မက်မကောင်းဘူးကွာ "

" လာပြန်ပြီ မင်းညီမလေး နှင်းစက် အကြောင်းပဲမလား "

" ဟာ .... ၀င်းဇော်မင်းသိလှချည်လား "

" သိတာပေါ့ဟ မင်းစိတ်ထဲမှာ နှင်းစက်ကလွှဲပြီး ဘာများရှိသေးလို့လဲ "

ဝင်းဇော်ပြောသည်မှာလည်း ဟုတ်သောကြောင့် ကျွန်တော်ဘာမျှပြန်မပြောလိုပေ ။

" ဒါနဲ့ အစိုင်း မင်း နှင်းစက်ကို မြို့မှာ တစ်ကယ်သွားတွေ့ မလို့လား "

" အင်းသွားတွေ့မလို့ (၂) လပိုင်းကုန်လောက်ဖြစ်မယ်ထင်တယ် "

" ဟုတ်မှလည်း လုပ်ပါကွာ အစိုင်း ရာ မင်းကမြို့ကိုလည်းတစ်ခါမှ ရောက်ဖူးတာ မဟုတ်ဘူး ။

မြို့ဆိုတာက ငါတို့ရွာလို မဟုတ်ဘူး အကျယ်ကြီးပဲ အဲဒါ မင်းဘယ်လိုလုပ်ပြီး နှင်းစက်ကို သွားတွေ့မှာလဲ "

" မတက်နိုင်ဘူးကွာ ငါမဖြစ်မနေ သွားကိုတွေ့ရမယ်  ငါနှင်းစက်ကိုဘယ်လောက်ချစ်တယ်ဆိုတာ မင်းလဲ

သိရဲ့သားနဲ့ ၀င်းဇော်ရာ "

ဝင်းဇော်မှာ ကျွန်တော်၏ ခံစားချက်ကိုသိနေသည့်အတွက် သက်ပြင်းသာချ၍ ဘာမှပြန်မပြောတော့ပေ ။

အချိန်တွေဟာ ကုန်မြန်လွန်းလှသည် ။ ပြက္ခဒိန်တွေလည်း တစ်ရွက်ပြီးတစ်ရွက်ကုန်ဆုံးသွားရာမှ

နှစ်တစ်နှစ်ရဲ့ နှစ်လပိုင်းကိုရောက်ရှိခဲ့လေပြီ ။

----------------------------------       ။         ။    --------------------------------------

                                       အခန်း(၉)

မိုးစင်စင်ပင်မလင်းသေး ။ နှင်းများလည်း တဖွဲဖွဲကျဆင်းနေသောကြောင့် အရာရာတိုင်းမှာ မှုန်ဝါးဝါး

ပင်ရှိနေသေးသည် ။ မြို့ကိုသွားမည့်ကားဂိတ်လေးဆီသို့ ၀င်းဇော်နှင့်အတူ

ကျွန်တော်ထွက်လာခဲ့သည် ။ ရာသီဥတုကအေးနေပေမဲ့လည်း ခြေလှမ်းများမှာ တက်ကြွနေမိသည် ။

ဝင်းဇော်မှာ ကျွန်တော့်အား ရွာထိပ်ရှိ ကားဂိတ်လေးဆီသို့ လိုက်ပို့ပေး၍

" အစိုင်း မင်း အစစအရာရာအဆင်ပြေပါစေကွာ မြို့ကိုရောက်လို့အဆင်မပြေတာရှိရင် ရွာကိုဖုန်းဆက်ခဲ့လိုက်နော် "

ဝင်းဇော်မှာ ၀မ်းနည်းနေပုံရသည် ။ ၀မ်းနည်းမယ်ဆိုရင်လည်း ၀မ်းနည်းစရာပင် ။ ရွာမှာက

တစ်ယောက်ရဲ့ အားနည်းချက်ကို တစ်ယောက်ကဖြည့်ဆည်းပေးရင်း ညီအကို အရင်းသဖွယ်

နေလာခဲ့ကြတာ မဟုတ်လား ။ အခုလိုခွဲခွာရမည်ဆိုတော့ ၀မ်းမနည်းပဲနေမည်လား ။

" အေးပါ ၀င်းဇော်ရာ ငါ့အတွက်ဘာမှမပူပါနဲ့ "

" အင်းဒါဆိုလည်း ကားပေါ်တက်တော့လေ ကားထွက်တော့မယ် "

ကျွန်တော်လည်း ၀င်းဇော်ကို နှုတ်ဆက်၍ ကားပေါ်တွင် ထိုင်နေလိုက်သည် ။

ခဏကြာတော့ မှန်လုံကားလေးမှာ ဖြေးညင်းစွာထွက်ခွာသွားပြီး ကျွန်တော်တို့ရွာကလေးကို ကျောခိုင်းခဲ့သည် ။

ဝင်းဇော်လည်း လက်ပြရင်း ဟိုးအဝေးမှာ ကျန်ခဲ့လေပြီ ။ တစ်ရွေ့ရွေ့နှင့် ကျန်နေခဲ့သော သစ်ပင်လေးများမှာလည်းလွမ်းစရာပင် ။ သည်လို ရွာကလေးနှင့်ခွဲခွာသွားရတော့လည်း

 စိတ်မကောင်းပေ ။ သက်ပြင်းတစ်ချက်ချကာ ထိုင်ခုံအမှီပေါ်သို့ ခေါင်းလေးကို လှဲချလိုက်ပြီး

 မျက်လုံးများကို မှိတ်ပစ်ထားလိုက်သည် ။ ကားလေးမှာလည်း တအိအိနှင့် နှင်းစက် ရှိရာမြို့လေးသို့ ထွက်ခွာသွားနေပြီ ။ ဘယ်အချိန်ကတည်းက အိပ်ပျော်သွားသည်ကိုမသိလိုက်

ဆူညံသံများ ကြား၍ မျက်လုံးကို ဖွင့်ကြည့်လိုက်တော့  မြို့ကိုပင်ရောက်နေလေပြီ ။

အချိန်မှာလည်း နေအတော်ပင်စောင်းနေပြီ ဖြစ်သည် ။ ကားပေါ်ကဆင်းပြီး

 Taxi ဌားကာ တည်းခိုခန်းတစ်ခုဆီသို့ မောင်းခိုင်းလိုက်သည် ။ ကားလေးမှာ မာကြူရီ မီးများဖြင့်

လင်းထိန်နေသော တိုက်တာနေအိမ်များကို ဖြတ်သန်းပြီး ညီညာပြန့်ပြူးသော

ကွန်ကရစ်လမ်းမကြီးပေါ်တွင် တရှိန်ထိုး ပြေးလွားနေသည် ။ မြို့၏ အလှများကြောင့်လား ၊

ဒါမှမဟုတ် နှင်းစက်နှင့်တွေ့ရမှာကြောင့်လားမသိ စိတ်များမှာ အလွန်လှုပ်ရှားနေမိသည် ။

ခဏကြာတော့ ကားလေးမှာ တည်းခိုခန်းတစ်ခုရှေ့သို့ ထိုးရပ်သွားသည် ။ တည်းခိုခန်းရောက်တော့ ရေမိုးချိုးပြီး

ပြတင်းပေါက်မှာရပ်၍ လေညင်းခံနေလိုက်သည် ။ ကျွန်တော်ရသော အခန်းမှာ သုံးထပ်မြောက်မှာဖြစ်၍

အပေါ်ကနေကြည့်လျှင် မြို့၏အလှများကို ကောင်းစွာမြင်နေရသည် ။

တန်ဖိုးကြီးကြွေပြားများဖြင့် ဆောက်လုပ်ထားပြီး မိုးပေါ်သို့ထိုးထောင်နေသော တိုက်ကြီးများ ၊

အရောင်အသွေးမျိုးစုံနှင့် ပေတစ်ရာလမ်းမကြီးပေါ်တွင် ပြေးလွှားနေသော မော်တော်ကားများ၊

ဟိုးအဝေးတစ်နေရာမှာတော့ ရွှေရောင်တ၀င်းဝင်းနှင့် စေတီတော်ကြီး၊

ဟိုငေးသည်ငေးနှင့် တစ်နေရာအရောက်တွင်တော့ မျက်လုံးများမှာ ရပ်တန့်သွားပြီး ရင်ခုန်သံများမှာလည်း

စည်းချက်မမှန်တော့ချေ ။ လူစည်ကားသော ဆိုင်တစ်ဆိုင်တွင် ကောင်လေးတစ်ယောက်နှင့်

ကောင်မလေးတစ်ယောက်တို့ ထိုင်နေသော စားပွဲဝိုင်းလေးဆီသို့ အကြည့်ရောက်သွားခြင်းဖြစ်သည် ။

 ထိုကောင်မလေးမှာ နှင်းစက် နှင့် အလွန်တူနေသော ကြောင့်ဖြစ်သည် ။ " နှင်းစက် လားမသိဘူး "

ဟုစိတ်ထဲမှာရေရွှတ်ရင်း သွားကြည့်ရန်ဆုံးဖြတ်လိုက်ပြီး အောက်ထပ်သို့ ပြေးဆင်းသွားလိုက်သည် ။

ထိုဆိုင်ရှေ့ရောက်တော့ ထိုကောင်လေးနှင့် ကောင်မလေးတို့မှာ မရှိတော့ချေ ။ မတွေ့သည့်အဆုံး

လက်လျှော့ကာ " ငါအမြင်မှားတာ နေမှာပါ " လို့ဖြေသိမ့်ရင်း တည်းခိုခန်းဆီသို့ပြန်လာ အနားယူလိုက်တော့သည် ။

----------------------------------       ။         ။    --------------------------------------

                                  အခန်း(၁၀)

နေမင်းကြီးမှာ သူ၏တစ်နေ့တာ တာဝန်ကိုထမ်းဆောင်ရန် အတွက် တောင်တန်းများကြားမှ ထွက်ပေါ်လာခဲ့လေပြီ ။ နေမင်း၏အလင်းရောင်မှာ ကောင်းကင်မှ ဖြာကျလာပြီး

 ပြတင်းမှန်ကိုဖြတ်ကာ မျက်နှာပေါ်သို့ ကျရောက်လာသည် ။ မျက်လုံးကိုဖွင့်၍

နာရီကိုလှမ်းကြည့်လိုက်တော့ ၇ခွဲရှိနေပြီ ။ သည်နေ့ညီမလေး နှင်းစက် နှင့်သွားတွေ့ရမည်

ဖြစ်သော ကြောင့် စိတ်များမှာ လန်းဆန်းတက်ကြွနေမိသည် ။ ရင်ခုန်သံများလည်း မြန်နေသည် ။

ရက်လများစွာ စောင့်ခဲ့ပြီး မကြာခင်မှာ ကျွန်တော်ချစ်ရသော ညီမလေး နှင်းစက်ကိုတွေ့ရတော့မည်

မဟုတ်ပါလား ။ ရေမိုးချိုးပြီး မှန်ရှေ့တွင် အချိန်အတော်ကြာအလှပြင်နေမိသည် ။ နှင်းစက်နှင့် ပထမဆုံး

သွားတွေ့ရမှာမို့လို့လည်း စိတ်များမှာ မလုံမလဲဖြစ်နေသည် ။ စိတ်တိုင်းကျပြီဆိုကာမှ ရွာမှ ပါလာသော

လွယ်အိတ်လေးကို လွယ်လျက် တည်းခိုခန်းမှထွက်လာခဲ့လိုက်သည် ။ ခြေလှမ်းများရဲ့ဦးတည်ရာကတော့

နှင်းစက်ဆီပေါ့ ။ လမ်းပေါ်ရောက်တော့ Taxi တစ်စီးဌားကာ ဈေးသို့ထွက်လာလိုက်သည် ။ ကားတွင်းမှ

သီချင်းသံလေးများမှာလည်း ကြည်နူးစရာပင် ။ သီချင်းများကိုနားထောင်ရင်း ရင်တွေပိုခုန်လာသလို

ခံစားလာရသည် ။ ရှေ့တစ်လမ်းတွင် ဈေးရောက်တော့မည်ဖြစ်သောကြောင့်

" ကားဆရာရှေ့နားလေးမှာ ဆင်းမယ် "

ကားဆရာမှာ လမ်းဘေးတွင် ကားကို ရပ်ပေးလိုက်သည် ။ ကားပေါ်ကဆင်းပြီး ကားခပေး၍ ဈေးထဲသို့ ၀င်သွားလိုက်သည် ။ ဈေးအတွင်းမှာတော့ ပစ္စည်းများအတော်စုံလှသည် ။ တစ်ခါမှလည်း သည်လိုမျိုးစည်ကားတာကိုမမြင်ဖူး ။ ဟိုငေးသည်ငေးနှင့် လျှောက်လာခဲ့ရာ ဆိုင်တစ်ဆိုင်ရှေ့တွင်တော့

ကျွန်တော့်ခြေလှမ်းများမှာ ရပ်တန့်သွားခဲ့သည် ။ လက်ဆောင်ပစ္စည်းမျိုးစုံရောင်းတဲ့

Fancy  ဆိုင်တစ်ဆိုင်ရှေ့မှာပါ ။ ထိုဆိုင်ထဲက အမွေးပွပွလေးနှင့် ချစ်စရာကောင်းသော

အရုပ်လေးများက ထိုဆိုင်ရှေ့က မခွာနိုင်အောင် ကျွန်တော် ၏ စိတ်များကို ဆွဲဆောင်ထားလေသည် ။

အရုပ်လေးတွေကိုငေးရင်း ……………..

" အရုပ်လေးတွေက သိပ်လှပါလား

နှင်းစက် အတွက် လက်ဆောင်ဝယ်သွားချင်လိုက်တာ "

ပိုက်ဆံ အိတ်ကပ်လေးကို လက်ဖြင့် တစ်ချက်စမ်းကြည့်လိုက်သည် ။ ပိုက်ဆံအတော်လေးတော့ကျန်သေးသည် ။ ဒါကြောင့် နှင်းစက် အတွက်

 အရုပ်ကလေးဝယ်ရန်ဆုံးဖြတ်လိုက်သည် ။ ထို့နောက်မှာတော့ အရုပ်ဆိုင်ထဲသို့ ၀င်ရန်

ခြေလှမ်းများကို လှုပ်ရှားလိုက်စဉ် မထင်မှတ်ထားသော အရာတစ်ခုကိုတွေ့လိုက်ရသည် ။

" နှင်းစက် ပါလား " ပါးစပ်မှ တိုးတိုးလေးရေရွတ်လိုက်မိသည် ။ ရုတ်တရက်ဆိုသလိုပင်

ချက်ချင်း အုတ်နံရံဆီသို့ပြေးပုန်းနေလိုက်သည် ။ ဆိုင်ထဲမှ လက်တွဲပြီး ထွက်လာသော

ထိုအတွဲမှာတော့ ကျွန်တော့်ကို သတိထားမိပုံမရချေ ။ အုတ်နံရံကို ကွယ်၍ ထိုအတွဲလေးကိုချောင်းကြည့်လိုက်စဉ်မှာတော့ ကျွန်တော် ၏ ရင်ဘတ်တစ်ခုလုံးမှာ ပေါက်ကွဲလုမတက်

 ၀ုန်းဒိုင်းကြဲသွားခဲ့သည် ။ ထိုအတွဲမှ ကောင်မလေးမှာ နှင်းစက်ဆိုတာ

သေချာသွားခဲ့လေပြီ ။ ခန္ဓာကိုယ်တစ်ခုလုံးမှာလည်း လဲကျမတက် အားအင်တွေ ဆုတ်ယုတ်သွားခဲ့သည် ။ အမြင်တွေမှာလည်းေ၀၀ါးလာခဲ့သည် ။ မျက်ဝန်းတစ်လျှောက်မှာ မျက်ရည်ဥလေးတွေက

 တွယ်ကပ်နေခဲ့ပြီကိုး ။ ပုခုံးထက်မှ လွယ်အိတ်ကြိုးလေးကို တင်းကြပ်စွာ ဆုပ်ကိုင်ထားပြီး

 အားတင်းထားကာမှ မျက်ရည်ဥလေးများမှာ ပါးပြင်ထက်သို့ ခုန်ဆင်းသွားခဲ့သည် ။

" အပြင်မှာ ပိုလို့တောင်ချောနေပါလား ညီမလေးရယ် ......

ညီမလေးမှာ ချစ်သူရှိလျက်နှင့် ဘာကြောင့် အကို့ကို မျှော်လင့်ချက်တွေပေးခဲ့ရတာလဲ ။

ဘာကြောင့် လှည့်စားခဲ့ရတာလဲ "

စိတ်ထဲမှာသာ အော်ပြောနေမိသည် ။ ဆိုင်ထဲမှာ ထွက်သွားသော နှင်းစက်တို့အတွဲမှာလည်း မျက်ဝန်းထဲမှ

တစ်စတစ်စ ပျောက်ကွယ်သွားခဲ့လေသည် ။ ကျွန်တော်လည်း ၀မ်းနည်းခြင်းများစွာဖြင့် ထိုဆိုင်လေးကို ကျောခိုင်းထွက်ခွာ လာခဲ့လိုက်သည် ။

----------------------------------       ။         ။    --------------------------------------

                                              အခန်း(၁၁)

ထိုညလေးမှာတော့ ၀မ်းနည်းမှုများဖြင့် ပြည့်နှက်နေခဲ့သည် ။ လမင်းကြီးမရှိ၍ ကောင်းကင်တစ်ခွင်မှာ မည်းမှောင်နေသည် ။ ကြယ်ကလေးများမှာလည်း ကျွန်တော့်အဖြစ်ကို သနားလို့လားမသိ

 ထွက်မလာဘဲ ပုန်းနေကြသည် ။ ယောကျာင်္းဖြစ်ပြီး စိတ်ဓါတ်ပျော့ညံ့တယ်ပဲပြောပြော အခန်းထဲမှာ

အရက်ကိုအဖော်ပြုရင်း အဲသည်ညကို ဖြတ်သန်းခဲ့တယ် ။ အရက်ကို တစ်ငုံသောက်လိုက်သည် ။

 လည်ချောင်းထဲမှာ ပူဆင်းသွားသည် ။ ဒါပေမဲ့ ကျွန်တော့်ရင်ထဲက အပူလောက်တော့

ပူမည်မထင် ။ ထိုအချိန်မှာ ဘယ်နေရာက ဖွင့်မှန်းမသိသော သီချင်းသံအချို့က နားထဲသို့ ပျံလွင့်လာခဲ့သည် ။

                           " နောက်ဆုတ်ဖို့ကြိုးစားရင်း .....  ရှေ့တိုးမိတယ်

                              မေ့ပျောက်ဖို့ ကြိုးစားမှ .....  ပိုမိုကာသတိရမိ "

သီချင်းသံလေးမှာ သာယာသလောက် အခုချိန်မှာတော့ ကျွန်တော့်ကို လှောင်နေသလိုပင် ။

မျက်ရည်တစ်ချို့က ပါးပြင်ပေါ်သို့ လိမ့်ဆင်းသွားပြန်သည် ။ နောက်တစ်ခွက် သောက်လိုက်သည် ။

လည်ချောင်းထဲမှာ ပူဆင်းသွားပြန်သည် ။ သောက်ရင်း သောက်ရင်း ဘယ်နှစ်ခွက်ရှိသွားမှန်းတောင်

မသိတော့ပေ ။ ခဏကြာတော့ ခန္ဓာကိုယ်မှာ ပေါ့ပါးလာပြီး လေထဲမှာ ရောက်နေသလိုခံစားလာရသည် ။

အရာရာတိုင်းမှာလည်း ဝေေ၀၀ါးဝါး ဖြစ်လာတော့သည် ။ စားပွဲကိုထောက်၍ အားယူကာ

 ကြိုးစားထလိုက်သည် ။ မူမမှန်သော ခြေလှမ်းများဖြင့် လျှောက်ကာ ကုတင်ပေါ်သို့

 ခန္ဓာကိုယ်တစ်ခုလုံးကို ပစ်လှဲချလိုက်သည် ။ ခေါင်းတွေကရည်ဝေနေပါသော်လည်း

 နှင်းစက် ၏ အတွေးပုံရိပ်များကတော့ စိုးမိုးထားဆဲပင် ။

မျက်လုံးကို မှိတ်ထားလိုက်သည် ။ ဒါပေမဲ့မရ အမြင်အာရုံမှာ နှင်းစက်၏ ပုံရိပ်များက ဆက်လက်နေရာယူထားဆဲ ။ အစွဲအလန်းကြီးမှုတွေ ၊ လူတွေအပေါ်ယုံကြည်လွယ်သော

စိတ်တွေကြောင့် အချစ်နွံထဲမှာ နစ်မြုပ်ခဲ့ရပြီမဟုတ်လား ။

----------------------------------       ။         ။    --------------------------------------

                                       အခန်း(၁၂)

အရင်အချိန်တုန်းက ဘယ်လိုပျော်ရွှင်မှုတွေ ၊ ရင်ခုန်ခြင်းတွေပဲ ရှိခဲ့ရှိခဲ့ အခုတော့ အရာအားလုံးဟာပြီးဆုံးသွားခဲ့ပါပြီ ။ မြို့မှာလည်း ဆက်မနေချင်တော့သဖြင့်

 နောက်တစ်ရက်မှာပဲ ၀မ်းနည်းခြင်းများစွာနှင့် အတူ ရွာကလေးသို့ ပြန်ခဲ့လိုက်တယ် ။

ရွာရောက်တော့ ကားပေါ်မှ ဆင်းလိုက်သည် ။ ရွာလေးမှာ အရင်းအတိုင်း သာယာစွာတည်ရှိနေဆဲပင် ။ လူပင်ပန်းသည်ထက် စိတ်ပင်ပန်းသည်မှာ ပိုခံစားရခက်သည် ။ စိတ်ဓါတ်တွေလည်း အကြီးအကျယ်

ကျနေမိသည် ။ ကြိုသူမရှိသော ရွာလေးထဲသို့  လေးတွဲ့သောခြေလှမ်းများဖြင့်

လျှောက်သွာလိးုက်သည် ။

----------------------------------       ။         ။    --------------------------------------

                                        အခန်း(၁၃)

ဘာလိုလိုနဲ့ မြို့ကပြန်ရောက်လာတာ (၆) ရက်ပင်ရှိခဲ့ပြီ ။ သည်နေ့လည်း ရုံးပိတ်ရက်ဖြစ်သည် ။ အရင်နေ့များလို လက်ဖက်ရည်ဆိုင်လည်းမသွားချင်သောကြောင့် အခန်းတွင်းမှာပဲ

အောင်းနေလိုက်သည် ။ မကြာပါ ၀င်းဇော်မှာ ရောက်လာပါတော့သည် ။

" အစိုင်း  ....... အစိုင်း

  ဟာ သည်ကောင်အစောကြီး ဘယ်တွေသွားနေမှန်းမသိဘူး "

အခန်းတံခါးကို တွန်းဖွင့်လိုက်သည် ။

" ဟာ အစိုင်းလိုက်ရှာလိုက်ရတာကွာ ငါထင်တာမင်းများမရှိဘူးလားလို့ လက်ဖက်ရည်ဆိုင်သွားရအောင်လေ "

" ငါသည်နေ့ နေလို့သိပ်မကောင်းလို့မသွားတော့ဘူးထင်တယ် "

" အေး မင်းမျက်နှာလည်းမကောင်းပါလား အစိုင်း     ဆေးကော်သောက်ပြီးပြီလား ငါသွားဝယ်ပေးမယ်လေ "

" ရပါတယ် ၀င်းဇော်ရာ ခေါင်းနည်းနည်းလေး ကိုက်ရုံတင်ပါ "

" အင်းပြီးတာပဲလေ ငါလည်းသွားစရာရှိလို့ ညမှ လာခဲ့မယ် ကျန်းမာရေးလည်း ဂရုစိုက်ဦးနော် "

" အေး ငါအဆင်ပြေပါတယ် "

----------------------------------       ။         ။    --------------------------------------

                                                  အခန်း(၁၄)

မကြာပါ နောက်တစ်ပတ်လောက်တွင် ကျွန်တော်အိပ်ယာထဲတွင် လဲပါတော့သည် ။ အခုလည်း ၀င်းဇော်မှာ ဆရာဝန် ခေါ်လာကာ ဆေးတစ်ချောင်းထိုး ပြီးခဲ့ပြီ ။

" ဆရာ ကျွန်တော့်သူငယ်ချင်း အခြေအနေဘယ်လိုရှိလဲ "

ဝင်းဇော်မှာ အခန်းတွင်းမှ ထွက်လာသောဆရာဝန်အားမေးလိုက်ခြင်းဖြစ်သည် ။

" အင်းကြည့်ရတာ စိတ်အတော်ထိခိုက်ထားပုံရတယ် "

" ဟုတ်တယ် ဆရာ ရုံးမှာလည်း အရင်လိုမဟုတ်တော့ပဲ အမြဲတမ်းမှိုင်နေတယ် "

" သူလောကကြီးမှာ သိပ်မနေရတော့ဘူးထင်တယ် "

ဆရာဝန်မှာဖြေညင်းစွာပြောလိုက်ပေမဲ့ ၀င်းဇော်တစ်ကိုယ်လုံးမှာ တုန်ခါသွားခဲ့သည် ။

" ဗျာ  ဆရာ ဘာပြောလိုက်တယ် "

" ဟုတ်တယ် မင်းသူငယ်ချင်းမှာ သွေးကင်ဆာရောဂါရှိနေတာကြာပြီ အခုစိတ်ပါ ထိခိုက်ထားတော့

ရောဂါအခြေအနေက အတော်ကို ဆိုးနေပြီ "

ဆရာဝန်မှာ ပြောပြီး ထွက်ခွာသွားလေပြီ ။ ၀င်းဇော်မှာ ထပ်မံအံ့သြသွားရပြန်သည် ။ အစိုင်းမှာ

သွေးကင်ဆာရှိသည်တဲ့လား ငါ့ကိုတောင် တစ်ခါမှ မပြောဖူးပါလား ။

ဝင်းဇော်မှာ အခန်းထဲသို့ ၀င်လာပြီး ကျွန်တော့် ကုတင်ဘေးမှာ လာထိုင်တယ် ။

" အစိုင်း မင်းနေရထိုင်ရသက်သာရဲ့လား "

ကျွန်တော်ဘာမှ ပြန်မပြောဖြစ်ခဲ့ပေ ။ အပေါ်ရှိ မျက်နှာကြတ် ကိုသာ စူးစိုက်စွာ ကြည့်နေမိသည် ။

ဝင်းဇော်ကိုတစ်ချက်လှည့်ကြည့်မိတော့ ၀င်းဇော်မှာ မျက်နှာမကောင်း မျက်ဝန်းများမှာလည်း

မျက်ရည်စ အချို့ကို တွေ့ရသည် ။ ၀င်းဇော်မှာ ကျွန်တော့်အခြေအနေကို သိသွားခဲ့ပြီလား ။

ဝင်းဇော် ခံစားတာကို ကျွန်တော်မမြင်ရက်ပေ ။ ထို့ကြောင့် ……

" ၀င်းဇော် ငါသက်သာပါတယ် အခုငါ တစ်ယောက်တည်းနေချင်လို့ ကျေးဇူးပြုပြီး အပြင်ထွက်ပေးပါလား "

ဝင်းဇော်မှာ ဘာမှပြန်မပြောဘဲ အခန်းအပြင်ဘက်သို့ ထွက်သွားခဲ့သည် ။

" ငါ့ရဲ့အချစ်ဆုံးသူငယ်ချင်း ၀င်းဇော်ရာ ငါ့ကြောင့် မင်းပါ စိတ်တွေပင်ပန်းနေရပြီ ငါတောင်းပန်ပါတယ် သူငယ်ချင်းရာ "      မျက်ရည်အချို့က ပါးပြင်ပေါ်သို့ကျလာသည် ။

----------------------------------       ။         ။    --------------------------------------

                                          အခန်း(၁၅)

ညလေးမှာ တိတ်ဆိတ်ငြိမ်သက်လျက်ရှိပြီး လ၏ အလင်းရောင်ဖြင့် အရာရာတိုင်းမှာ သာယာလှပနေသည် ။

ကောင်းကင်တစ်ခွင်မှာလည်း ငွေစင်ကြယ်လေးများမှာ မှိတ်တုတ်မှိတ်တုတ်နှင့် ပျော်မြူးစွာ ခုန်ပေါက်နေကြသည် သွေးကင်ဆာဆိုသည့် ရောဂါ ဝေဒနာကိုခံစားနေရသော

ကျွန်တာ့်မှာတော့ ထိုအလှအပများကို မမြင်နိုင်တော့ချေ ။ ကျွန်တော် အမြဲအားကျ

နှစ်သက်ခုံမင်ခဲ့သော ကြယ်ကလေးများကိုတော့ အနီးရှိ ထရံပေါက်လေးများမှ မြင်တွေ့နေရသေးသည် ။

ထိုသို့မြင်တွေ့ရခြင်းမှာလည်း နောက်ဆုံးအကြိမ် ဖြစ်ကောင်းဖြစ်ပေလိမ့်မည် ။

ကြယ်ကလေးများကို ငေးကြည့်ရင်း  ညီမလေးပြောခဲ့သော စကားများကို

 ပြန်ကြားယောင်သတိရမိသည် ။

" အကို ညညဆို အိမ်အပြင်ဘက်ကို ထွက်ကြည့်ပါလား ... ကြယ်ကလေးတွေက အရမ်းလှတာ "

ထိုအကြောင်းများကို ပြန်တွေးမိတိုင်း နှလုံးသားမှာ နာကျင်ခံစားရပြန်သည် ။ ကြယ်ကလေးများကိုကြည့်နေရာမှ

မျက်လုံးများမှာေ၀၀ါးလာပြီး ပါးပြင်ပေါ်သို့ မျက်ရည်ပေါက်လေးများ လိမ့်ဆင်းသွားခဲ့သည် ။

           " အဟွပ် ...... အဟွပ် "

ကုတင်အနီးရှိ စားပွဲခုံပေါ်တွင် ထောင်ထားသော ညီမလေး ဓါတ်ပုံကို လှမ်းယူလိုက်ပြီး ဓါတ်ပုံကို အတန်ကြာစိုက်ကြည့်ကာ

ဓါတ်ပုံထဲမှ ချောမွေ့နေသော ညီမလေးရဲ့ ပါးပြင်ကို လက်ဖြင့်ပွတ်သပ်လိုက်မိသည် ။

" ရက်စက်လိုက်တာ ညီမလေးရယ် "

" အကို ကညီမလေးကို သိပ်ချစ်ခဲ့တာ အပြင်မှာမတွေ့ခဲ့ဖူးပေမဲ့ အပြင်ကလူတွေထက်တောင် ညီမလေးကို ပိုချစ်နေခဲ့မိတယ် တစ်နေ့မှာ အပြင်မှာဆုံမယ်ဆိုတဲ့ စိတ်ကလေးနဲ့ ဘ၀ကိုကြိုးစားရင်း

 ညီမလေးဆီကို အကိုလာခဲ့ပါသေးတယ် ။ ဒါပေမဲ့ အကိုထင်သလို တစ်ခုမှ ဖြစ်မလာခဲ့ဘူး

 ဒါပေမဲ့ ညီမလေးအစား အိပ်မက်လေးတွေပဲ အကို့ဆီ ရောက်လာခဲ့တယ် ။

အိပ်မက်ထဲမှာ ညီမလေးနဲ့အကို စကားတွေပြောကြတယ် ။ မြူမှုန်တွေကြားမှာ နှစ်ယောက်သား ပြေးလွှားရင်း

မမောမပန်းဆော့ကစားခဲ့ကြတယ် ။ စမ်းချောင်းဘေးမှာလည်း နှစ်ဦးသား တိတ်တဆိတ်ထိုင်ရင်း ရေထဲမှာ လွတ်လပ်စွာ ကူးခတ်နေကြတဲ့ ငါးတွေကို ငေးကြည့်ခဲ့ကြတယ် ။ အိပ်မက်ထဲမှာ လွင့်မျှောနေပေမဲ့

 အကိုပျော်တယ် သိလား ညီမလေး "

" အဟွပ် ..... အဟွပ် .... အဟွပ် "

ချောင်းအရမ်းဆိုးကာ အနေခက်လာသဖြင့် လောကကြီးမှာနေရမဲ့အချိန်က သိပ်မကျန်တော့ဘူးဆိုတာကိုသိလိုက်ရသည် ။ ချောင်းဆိုးရင်း ပါးစပ်ထဲမှ သွေးအချို့တို့

 အန်ထွက်လာခဲ့သည် ။ နှာခေါင်းထဲမှလည်း သွေးစက်များ ကျဆင်းလာသည် ။

" အဟွပ် ... အဟွပ် .... အဟွပ် "

အတန်ကြာတော့ ချောင်းဆိုးသံမှာ ပျောက်သွားပြီး ခန္ဓာကိုယ်လေးမှာ ငြိမ်သက်သွားပါတော့သည် ။

----------------------------------       ။         ။    --------------------------------------

                                              အခန်း(၁၆)

ကုတင်ပေါ်မှ အားယူပြီး ကြိုးစားထလိုက်သည် ။

ကုတင်ပေါ်မှ ဆင်း၍ အခန်းပြင်သို့ ထွက်မည်အပြု အနောက်ဘက်ကို ပြန်လှည့်ကြည့်လိုက်မိသည် ။

ညီမလေး နှင်းစက် ဓါတ်ပုံကို တင်းကြပ်စွာ ဆုပ်ကိုင်ထားပြီး ထာဝရ အိပ်စက်အနားယူသွားပြီဖြစ်သော

ကျွန်တော့် ခန္ဓာကိုယ် ကို တွေ့လိုက်ရသည် ။ အသက်ကင်းမဲ့နေသော ကျွန်တော့် ခန္ဓာကိုယ်လေးကို

ပြုံးကာကြည့်ရင်း နှေးကွေးသော ခြေလှမ်းများဖြင့် အခန်းပြင်ဘက်ဆီသို့ ကျွန်တော့်ဝိဥာဉ်လေးမှာ

ထွက်ခွာသွားပါတော့သည် ။ ညီမလေးရှိရာအရပ်ဆီကိုပေါ့ ................

                                                                                     ခင်မင်လေးစားစွာဖြင့်

                                                                                          အိပ်မက်ကောင်းကင်